Andrea Joglar

Flauta Travesera / Percusión tradicional asturiana

Andrea Fernández Joglar (Xixón, 1991) ye Llicenciada en Filoloxía Hispánica y Máster Universitariu en Formación del Profesoráu de Educación Secundaria Obligatoria, Bachilleratu y Formación Profesional. Pertenez a la primer promoción que completó’l Grau Profesional de Música na Especialidá de Gaita nel Conservatoriu Superior de Música Eduardo Martínez Torner d’Uviéu, y tamién cursó estudios de curdión diatónicu, flauta travesera y percusión tradicional.
A la par que va completando la so formación musical, algama dalgunos de los premios más importantes dientro del ámbitu de la gaita asturiana a nivel individual. Ente ellos, s’atopen los primeros puestos en concursos como’l Certamen de Gaita Gaiteru Lliberdón, el Concursu de Gaita de Xixón, el Concursu y Muestra de Folclore Ciudá d’Uviéu o’l Trophée McCrimmon de Gaita del Festival Interceltique de Lorient.
Amás, el so llabor va vese recompensáu con otros reconocimientos como’l Premiu Amas de Gaita (2008), l’Urogallo de Bronce (2010), entregáu pol Centro Asturiano de Madrid, o’l Premiu de Cultura Asturiana Joaquín Lloris.
Vien collaborando con diverses agrupaciones y artistes renomaos del panorama asturianu ya internacional como Felpeyu (Asturies), Llan de Cubel (Asturies), LR (Asturies), Bagad de Lann-Bihoué (Bretaña), Grupo Fantasma (Texas, EEXX), Le Big Stal (Bretaña), Carlos Núñez (Galicia), Alambig Electrik (Bretaña), L’Usine à Canards (Bretaña), Tarna (Llión), Orquesta Filarmónica de Asturias (Asturies), Orquesta Sinfónica de Chamartín (Madrid), Orchestre Symphonique de Bretagne (Bretaña), Xuacu Amieva (Asturies), Flavio R. Benito (Asturies), Rodrigo Cuevas (Asturies) o Raquel F. Menéndez (Asturies).
Formó parte de les bandes de gaites Fonte Fuécara y La Raitana; asina como del grupu folk Verdasca, col que participa en diversos festivales musicales tanto dientro como fuera d’Asturies y algama delles reconocencies como’l 2u premiu del Trophée de Musique Celtique Cidrerie du Terroir (2007), el 1er premiu nel Troféu Igor Medio y Carlos Redondo (2008) o’l Premiu Amas al Grupu Revelación (2009), y col que ye finalista del Premiu al Meyor Cantar 2011.
Participa na grabación de varios trabayos discográficos, como Moh.ito (FonoAstur, 2006), xunta la B.G. La Raitana; Verdasca (EP Autoproducción, 2007) y D’abéu (Tierra Discos, 2009), con Verdasca; AICA. 25 años (Fonográfica Asturiana, 2015); Despeinando’l silenciu (Autoproducción, 2015), xunta Filanda; LaKadarma (EP Autoproducción, 2016), de la B.G. LaKadarma; La Cereza’l Cielu (Prod. Fitoria, 2019), con Cerezal; y Butterflies (2020), a piques d’espublizase, xunta Last Days of Eden.
Como docente, durante’l cursu 2015-2016 ye responsable del área de música tradicional de la Escuela Municipal de Música de Llanera y nel cursu 2019-2020 foi profesora de gaita nel Conservatoriu Profesional de Música y Danza de Xixón. Nesi mesmu añu, entama a dar clases de flauta travesera, gaita y percusión tradicional na Escuela de Música y Danza Popular de Noreña.
Anguaño, forma parte de los grupos Cerezal y Last Days of Eden, de l’Asociación d’Intérpretes de Canción Asturiana (AICA) y ye coodirectora de la Banda de Gaites LaKadarma.