Nova sede de TradiGaita, escola de música tradicional
Como moitos de vos sabedes, neste curso 21/22, abriu as súas portas a nosa propia escola de música tradicional, co obxectivo de convertese nun referente na ensinanza da nosa música tradicional.
A escola está dirixida a todos aqueles alumnos que queiran aprender a tocar calquera dos instrumentos que están incluídos na nosa oferta formativa sen importar o nivel do alumno, así como para aqueles músicos con certo nivel que se dedican ou queiran dedicar de xeito profesional ao seu instrumento.
Podes solicitar mais información podedes contactar con TradiGaita no número de teléfono 674608413, no noso correo tradigaita@gmail.com ou deixarnos unha mensaxe no noso Facebook.
Ata o momento, nunha clara aposta por o rural, a nosa escola contaba con sede en Castro Caldelas e Parada do Sil, en pleno corazón da Ribeira Sacra, sen descartar a posibilidade de ampliar a outras zonas para a comodidade dos nosos alumnos.
É por iso que estamos moi contentos de poder anunciarvos que dende este mes de Febreiro de 2022, TradiGaita conta con sede na Cidade de Ourense, co obxectivo de favorecer e ofrecer todas as comodidades posibles ao noso alumnado da modalidade presencial.
