Comeza a súa formación no seo da Banda de Gaitas «Os Trabazos» de Castro Caldelas (Ourense) no ano 2000 da man de Modesto Cid Pérez, a vez que comeza os seus estudos na escola provincial de Ourense ata o ano 2005.

Durante esta etapa actuou en numerosos festivais en países como Alemaña, Reino Unido, República Checa, Francia,Portugal, Cuba,Estados Unidos,Australia… e un sin fin de lugares por toda a xeografía española.

Foi co-fundador de grupos como Sementando Palletas e do cuarteto tradicional Bran Cuartet .

Diego ampliou a súa formación da man de gaiteiros da talla de Óscar Ibañez ou Raúl Lacílla. Actualmente é alumno dende o 2014 do prestixioso gaiteiro Daniel Bellón, na escola BellónMaceiras en Fene (A Coruña), e de Jorge Suárez Carbajal en gaita asturiana dende o pasado 2018 .

Como gaiteiro solista acadou numeroso premios, destacando entre outros :

  • 1º premio no Memorial Gabino García (2014)
  • 2º premio no Memorial Gabino García (2015)
  • 3º premio no XLIX concurso de Cuartetos de Ponteareas como integrante de Bran Cuartet (2016)
  • 3º premio no X concurso de música tradicional de Luou como integrante de Bran Cuartet (2016)
  • 7º clasificado na final do Trofeo MacCrimmon (Lorient – Francia) (2018)
  • 2º Premio no V Concurso de Gaita e Tamboril de Tui (2019)
  • 4º Premio no LII concurso de Cuartetos de Ponteareas como integrante de Bran Cuartet (2019)

Como mestre impartiu clases de gaita en numerosos puntos da provincia de Ourense, dos que cabe mencionar:

  • Escola de Gaitas «Os Trintas» (Pobra de Trives)
  • Escola de Gaitas do Concello do Irixo
  • Escola de Gaitas «Os Xuncos» (Xunqueira de Espadañedo)
  • Colexio Xulio Gurriarán (Barco de Valdeorras)

Na actualidade, ademais de estar a rematar os estudos oficiais de Gaita Galega no conservatorio de música de Ourense, é o director da Escola de Música Tradicional do Pereiro de Aguiar (EMT Pereiro de Aguiar) e mestre de Gaita Galega na Escola de Música Tradicional da Istoria en Ribadavia (Ourense).